Posts

Anniversarju: 8 ta’ Diċembru 1985 Juventus jirbħu t-Tazza Interkontinentali

Nhar it-8 ta’ Diċembru 1985 Juventus saru Champions tad-Dinja għall-ewwel darba fl-istorja tagħhom. Juventus, champions tal-Ewropa, lagħbu kontra Argentinos Juniors, li kienu champions tal-Amerka t’isfel. Ir-rebbieħ kellu jingħata t-Tazza Interkontinentali li awtomatikament tfisser anki Champion tad-Dinja. Il-partita kellha tiġi deċiża bil-penalties b’Tacconi jkun l-eroj ta’ Juventus meta laqa’ żewġ penalties. Jibqa’ ikoniku r-ritratt t’hawn fuq. Ritratt li juri lil Platini mixħut fuq il-ħaxix wara li r-referee ħassarlu wieħed mill-isbaħ gowls ta’ dejjem.