Posts

Uffiċjali: Arthur misluf lil Fiorentina

Juventus ħabbru li Arthur iffirma kuntratt ġdid magħhom sal-2026. Hu ġie misluf lil Fiorentina għal sena, liema self se jkun imħallas 2 miljuni flimkien ma’ massimu ta’ 2 miljun Ewro oħra f’bonuses. Is-sena d-dieħla Fiorentina se jkunu jistgħu jixtruh għal kollox għas-somma ta’ 20 miljun.

Matthew Scerri

Għada Arthur se jkun Firenze għat-testijiet mediċi

Arthur għada se jmur Firenze għat-testijiet mediċi qabel jingħaqad b’self ma’ Fiorentina. Is-self se jkun imħallas 2 miljuni, b’Fiorentina jkollhom id-dritt li jixtruh għal kollox is-sena d-dieħla għal 20 miljun.

Matthew Scerri

Arthur lejn trasferiment ma’ Fiorentina

Il-Brażiljan Arthur jinsab tassew qrib li jingħaqad b’self ma’ Fiorentina. Illum l-aġent tiegħu, Pastorello kien fil-Continassa biex jitkellem mal-uffiċċjali ta’ Juventus. Arthurisyenni jiffirma kuntratt ġdid ma’ Juventus bil-għan li l-investiment li kien sar għalih jinqasam fuq iktar snin. Wara li jiffirma l-kuntratt il-ġdid, Arthur jiġi misluf lil Fiorentina għal sena, liema self ikun imħallas 3 miljuni mit-tim ta’ Fiorentina. Huma se jkunu jistgħu jixtruh għal kollox is-sena d-dieħla għal somma bejn 16 u 20 miljun Ewro. Fiorentina se jħallsu parti mill-paga ta’ Arthur (3 miljuni mħallsa minnhom u Juventus jagħtuh il-bqija).

Matthew Scerri

Diversi plejers esklużi mit-tim Juventin

Qed jingħataw iktar dettalji dwar xi deċiżjonijiet li ttieħdu waqt laqgħa bejn Giuntoli, Manna u Allegri. Apparti Bonucci u McKennie, jidher li anki Arthur, Zakaria, Pellegrini u Pjaca huma wkoll esklużi mit-tim Juventin u mhux se jitħallew imorru l-Amerka. Kollha kemm huma ma jiffirmawx iktar mill-pjanijiet ta’ Allegri u allura se jiġu esklużi mit-tim bit-tama li jiġu sfurzati bil-pulit isibu tim ieħor.

Matthew Scerri

Id-dettalji tal-ftehim bejn Juventus u Liverpool għal Arthur

Liverpool qablu li jħallsu 4.5 miljun Ewro sabiex jiksbu b’self lil Arthur għal sena. Huma se jkollhom id-dritt li jixtruh għal kollox għal 37.5 miljun Ewro s-sena d-dieħla. Dawn huma d-dettalji uffiċjali tal-ftehim bejn il-klabbs kif ippublikati fl-istqarrija maħruġa minn Juventus.

Matthew Scerri

Arthur misluf lil Liverpool

Il-Brażiljan Arthur telaq minn Turin dalgħodu biex imur jagħmel it-testijiet mediċi fl-Ingilterra għal ma’ Liverpool. Hu se jingħaqad magħhom b’self għal sena, b’Liverpool allegatament m’għandhom ebda dritt jew obbligu li jixtruh għal kollox. Sal-bieraħ kien qed jissemma li Arthur kien se jiffirma għal Sporting, biss dal-lejl l-affarijiet inbidlu hekk kif Liverpool għamlu kuntatt mal-aġent tiegħu.

Matthew Scerri

Erba’ klabbs interessati li jiksbu lil Arthur

Nhar is-Sibt Arrivabene għamilha ċara li hu essenzjali għal Juventus li jneħħu lil xi plejers li għandhom fit-tim sabiex ma jkunx hemm piż żejjed fuq l-accounts tal-klabb. Wieħed mill-plejers li Juventus iridu jneħħu hu Arthur. Nafu li Valencia ilhom iriduh b’self. Klabbs oħra li fl-aħħar sigħat urew interess fih huma: Nice, Sporting Lisbon u Everton. L-aġent qed jaħdem bla qatigħ bil-għan li tinstab soluzzjoni li twassal biex Arthur jingħaqad ma’ tim ieħor li jkun jista’ jiggarantixxi lill-midfielder Brażiljan post fiss mal-ewwel ħdax tat-tim tiegħu.

Matthew Scerri

Arthur-Valencia. Kollox wieqaf

M’hemm xejn ġdid dwar it-trasferiment ta’ Arthur b’self ma’ Valencia. In-negozjati bejn Juventus u l-klabb Spanjol jidhru weqfin bħalissa, bil-partijiet ma jirnexxilhomx isibu ftehim bejniethom. Il-kwistjoni kollha hi marbuta ma’ kif se tinqasam il-paga ta’ Arthur bejn iż-żewġ klabbs. Valencia lesti jħallsu sa massimu ta’ 25% tal-paga ta’ Arthur, filwaqt li Juventus qed jitolbuhom li jħallsu nofs il-paga. Valencia ma jridux jaċċettaw u allura kollox jinsab wieqaf. Probabbli li t-trasferiment, jekk iseħħ, ikun possibbli biss fl-aħħar jiem qabel jagħlaq is-suq tat-trasferimenti.

Matthew Scerri

L-aġent: “Arthur irid jitlaq lil Juventus”

Federico Pastorello, li hu l-aġent ta’ Arthur, ikkonferma li hemm interess min-naħa ta’ Valencia fil-midfielder Brażiljan. Hu qal li jittama li jinstab ftehim għax Arthur irid jitlaq lil Juventus. Skont Pastorello, Arthur hu plejer tajjeb wisq biex joqgħod jara lill-oħrajn jilagħbu.

Matthew Scerri

X’qed jingħad dwar is-suq tat-trasferimenti Juventin

L-għidut dwar it-tim Juventin mhu jaqta’ xejn hekk kif is-suq tat-trasferimenti riesaq bil-mod il-mod lejn tmiemu. Fadal bejn wieħed u ieħor tliet ġimgħat u nofs, u jekk s’issa n-negozjati mxew b’pass kajman, issa t-timijiet iridu jibdew jiffinalizzaw l-akkwisti tagħhom. Juventus huma attivi ferm kemm mil-lat ta’ bejgħ ta’ plejers, kif ukoll f’dak li għandu x’jaqsam max-xiri ta’ plejers ġodda.

Il-plejers li probabbli jitilqu lil Juventus huma Rugani u Arthur. It-tnejn li huma għandhom paga għolja u Juventus lesti jneħħuhom peress li huma meqjusa biss bħala riservi ma’ Juventus. Arthur jinsab qrib ħafna li jingħaqad ma’ Valencia b’self. Rugani, mill-banda l-oħra, x’aktarx ikun mibjugħ. Galatasaray qed joffru 10 miljuni għalih, somma li Juventus lesti jaċċettaw. Rugani jinsab anki fil-mira ta’ klabbs Taljani bħal Empoli u Sampodoria, biss dawn mhumiex joffru daqs Galatasaray.

F’dak li għandu x’jaqsam mal-akkwist, Juventus nafu li qed ifittxu playmaker, plejer max-xellug u attakkant. Nafu li hemm ftehim kemm ma’ Kostic kif ukoll ma’ Paredes, bil-plejers diġà aċċettaw l-offerta mressqa lilhom minn Juventus. Jonqos issa li Juventus jilħqu ftehim mal-klabb rispettiv tagħhom. Dwar l-attakkant hemm ħafna iktar inċertezza. Issemmew diversi plejers, b’Morata dejjem ikun indikat bħala l-favorit nett, għalkemm fil-verità Atletico ma tantx jidhru disposti jitilquh minn idejhom. Attakkanti oħra li qed jissemmew bħalissa huma: Muriel u Raspadori. Fl-aħħar tajjeb ngħidu li jekk verament jitlaq Rugani, hu probabbli li Juventus jixtru difensur ieħor, b’Milinkovic ta’ Fiorentina jkun il-kandidat prinċipali.

Matthew Scerri