Posts

Bħal-lum fil-passat (28 ta’ Settembru)

Ħarsa lura lejn l-1983 meta fit-Tazza tat-Tazzi Juventus għelbu lil Lechia bl-iskor ta’ 2-3. Għal Juventus skurjaw Vignola, Tavola u Boniek.  

Bħal-lum mill-passat (20 ta’ Settembru)

Filmat tassew rari tat-Tazza taċ-Champions tal-1961 għas-sensiela tagħna li ġġib l-isem ta’ “Bħal-lum mill-passat”. Fl-20 ta’ Settembru 1961 Juventus lagħbu barra minn darhom kontra Panathinaikos. Il-partita ntemmet 1-1. Il-gowl ta’ Juventus kellu l-firma ta’ Mora.

Bħal-lum fil-passat (19 ta’ Settembru)

Bi pjaċir inwasslulkom filmat ta’ partita li ntlagħbet bħal-lum 19 ta’ Settembru fl-1954. L-avversarji ta’ Juventus kienu Pro Patria. Il-Bianconeri rebħu 1-2, gowls ta’ Muccinelli u Oppezzo.

Bħal-lum fil-passat (18 ta’ Settembru)

Illum jaħbat it-62 anniversarju minn meta Juventus għelbu lil Fiorentina fil-Finali u kisbu r-raba’ Coppa Italia fl-istorja tagħhom. L-iskor tal-partita kien ta’ 3-2 bil-gowls Bianconeri jkollhom il-firma ta’ Charles (2) u awtogowl ta’ Orzan.

Bħal-lum fil-passat (17 ta’ Settembru)

Inkomplu bis-sensiela ta’ partiti mill-passat. Illum se nwasslulkom filmat ta’ partita tat-Tazza taċ-Champions tas-snin Tmenin. Fis-17 ta’ Settembru 1986 il-holders Juventus għelbu lil Valur bl-iskor ta’ 7-0. Fost l-oħrajn kellna hattrick ta’ Laudrup.

Bħal-lum fil-passat (17 ta’ Awwissu)

Aktar filmati mill-preseason Juventin tas-snin li għaddew. Bħal-lum fl-1999 Juventus kienu rebħu t-Trofeo Berlusconi billi għelbu lil Milan bl-iskor ta’ 1-0. Il-gowl tar-rebħa Juventina wasal minn Del Piero.

Bħal-lum fil-passat (15 ta’ Awwissu)

Il-filmat tal-lum joħodna għas-sena 1976. Hu filmat tassew antik, wieħed mill-aktar antiki li sibna tal-partita li tradizzjonalment tintlagħab f’Villar Perosa. Sa ftit tas-snin ilu l-partita kienet tara lit-tim ta’ Juventus jilgħab kontra t-tim Primavera Juventin. Min isegwi mill-qrib il-preseason Juventin se jinduna li minkejja li għaddew ħafna snin, l-affarijiet f’Villar Perosa ftit li xejn inbidlu.

Bħal-lum fil-passat (14 ta’ Awwissu)

Immorru lura għas-sena 1992 meta proprju bħal-lum Juventus kienu lagħbu partita ta’ ħbiberija kontra t-tim nazzjonali tal-Ġappun f’Kobe. L-iskor finali kien ta’ 2-2, b’Baggio u Moeller jiksbu d-draw għal Juventus fl-aħħar parti tal-partita.

Bħal-lum fil-passat (11 ta’ Awwissu)

Fil-11 ta’ Awwissu 2012 Juventus kienu rebħu s-Super Cup tal-Italja għall-ħames darba fl-istorja tagħhom. Il-filmat li qed inwasslulkom, fih l-aqwa siltiet ta’ dik il-partita.

Bħal-lum fil-passat (7 ta’ Awwissu)

Il-filmat tal-lum joħodna għas-sena 2016 meta proprju bħal-lum Juventus kienu lagħbu partita ta’ ħbiberija kontra West Ham, liema partita kienet parti mill-inawgurazzjoni tal-istadium il-ġdid tal-Hammers.