Posts

It-trasferimenti uffiċjali s’issa

Plejers li ngħaqdu ma’ Juventus

Bremer (difensur, Torino)

Di Maria (winger, PSG)

Fagioli (midfielder, Cremonese)

Gatti (difensur, Frosinone)

Kostic (winger, Eintracht Frankfurt)

Pjaca (attakkant, Torino)

Pogba (midfielder, Manchester United)

Rovella (difensur, Genoa)

 

Plejers mibjugħa jew mislufa minn Juventus lil timijiet oħra

Bernardeschi (intemmlu l-kuntratt, Toronto)

Brunori (mibjugħ lil Palermo)

Cambiaso (misluf lil Bologna)

Chiellini (kuntratt itterminat qabel iż-żmien, Los Angeles FC)

De Ligt (mibjugħ lil Bayern Munich)

Demiral (mixtri għal kollox minn Atalanta)

De Winter (misluf lil Empoli)

Dybala (intemmlu l-kuntratt, Roma)

Frabotta (misluf lil Lecce)

Isreal (mibjugħ lil Sporting Lisbon)

Mandragora (mibjugħ lil Fiorentina)

Morata (wasal fi tmiemu s-self tiegħu, Atletico Madrid)

Nicolussi Caviglia (misluf lil SudTirol FC)

Pellegrini (misluf lil Eintracht Frankfurt)

Ramsey (ftehim biex il-kuntratt tiegħu jkun itterminat)

Ranocchia (misluf lil Monza)

Vrioni (mibjugħ lil New England Revolution)

Wesley (mibjugħ lil Cruzeiro)

Zanimacchia (misluf lil Cremonese)

Uffiċjali: Juventus xtraw lil Bremer

Juventus ħabbru li xtraw lil Gleison Bremer mingħand Torino għas-somma ta’ 41 miljun Ewro. Ma’ dis-somma jridu jiżdiedu 8 miljuni oħra f’bonuses u 3.6 miljun Ewro oħra f’commissions u ‘solidarity fees’ kif stipulat mill-FIFA.

Bremer iffirma kuntratt li se jorbtu ma’ Juventus sat-30 ta’ Ġunju 2027. Hu se jkun qed jilbes il-flokk numru 3 ta’ Juventus.

Matthew Scerri

Għada t-testijiet mediċi ta’ Bremer

Urbano Cairo aċċetta l-offerta mressqa lilu minn Juventus għal Gleison Bremer. Juventus xtraw allegatament għal 41 miljun Ewro flimkien ma’ 9 miljuni oħra f’bonuses. Bremer għada se jkun fil-JMedical għat-testijiet mediċi u wara jiffirma l-kuntratt ma’ Juventus.

Matthew Scerri

Konferma min-naħa ta’ Torino li Juventus qed jinnegozjaw l-akkwist ta’ Bremer

In-negozjati bejn Juventus u Torino għal Bremer kienu kkonfermati minn Vagnati ta’ Torino li mistoqsi minn Sky qal li hu veru li Torino qed jitkellmu dwar Bremer kemm ma’ Inter kif ukoll ma’ Juventus. Fi kliemu l-laqgħa ma’ Inter marret tajjeb u sostna li m’hemmx għaġla għall-bejgħ tal-Brażiljan. Sky ħadu kumment anki mingħand il-President ta’ Torino, Urbano Cairo li sostna li se jitkellem biss meta l-affarijiet ikunu ċerti. Hu ma ċaħadx li hemm offerta min-naħa ta’ Juventus u lanqas ta indikazzjoni dwar min hu l-favorit nett li jiffirma lil Bremer bejn Juventus u Inter.

Matthew Scerri

Juventus issa huma l-favoriti li jiffirmaw lil Bremer

Il-Bremer Day tal-bieraħ rat b’sorpriża lil Juventus jaqbżu fuq quddiem fit-taqtigħa għall-ksib ta’ Gleison Bremer. Il-laqgħa bejn Inter u Torino ma marritx tajjeb kif mistenni. Il-klabbs kellhom jiltaqgħu kmieni waranofsinhar biss fuq talba ta’ Marotta l-laqgħa saret ferm iktar tard, Minn dak li qed ikun irrapurtat jidher li Marotta ried jitkellem qabelxejn ma’ Zhang. Meta mbagħad Marotta ltaqa’ ma’ Cairo, Inter għarrfu lil Torino li l-offerta tagħhom għal Bremer kienet se tibqa’ 30 miljun Ewro flimkien mas-self ta’ Casadei. Aktar kmieni matul il-ġurnata Juventus kienu offrew 40 miljun Ewro għal Bremer. Mhux hekk biss. Juventus qed joffru paga ta’ 5 miljuni lil Bremer, filwaqt li Inter tawh 4 miljuni.

Illum mistennija aktar żviluppi. Kollox għadu possibbli. Biss hu evidenti li Juventus qed joffru iktar kemm lil Torino kif ukoll lil Bremer innifsu. Ta min jgħid ukoll li Inter iridu lil Bremer għax qed jittamaw li jbigħu lil Skriniar lil PSG. F’dan l-istadju Inter qed ikollhom diffikultajiet kbar biex ibigħu lil Skrinar u għaldaqstant jaf mhumiex f’pożizzjoni li verament jiffirmaw lil Bremer.

Matthew Scerri

Illum ikollna indikazzjoni dwar il-futur ta’ Bremer

Illum hi ġurnata importanti ferm għall-futur ta’ Gleison Bremer. Inter, li allegatament għandhom ftehim mal-plejer, illum se jkollhom laqgħat kemm mal-aġenti tad-difensur Brażiljan u anki ma’ Torino. Minn dak li nafu, Inter qed joffru 30 miljun Ewro flimkien ma’ Casadei għal Bremer. Qed ikun irrapurtat lil Juventus offrew lil Torino 40 miljun Ewro għal Bremer. Issa interessanti li naraw jekk Juventus, li għadhom kif bigħu lil De Ligt, huma se jkunu qed jagħmlu xi manuvri biex ifixklu il-pjanijiet ta’ Inter. Ta’ min jgħid ukoll li Inter iridu lil Bremer għax qed jippruvaw ibigħu lil Skriniar. It-trasferiment ta’ Skriniar ma’ PSG qed jieħu fit-tul u mhux ċert li jsir. Għaldaqstant wieħed irid jara jekk Inter humiex realment f’pożizzjoni li jikkommettu ruħu li jixtru lil Bremer f’dan l-istadju.

Matthew Scerri

Imsemmija Bremer u Pau Torres imma hemm ċans li De Ligt jibqa’ ma’ Juventus

Min se jkun qed jilgħab flimkien ma’ Bonucci fiċ-ċentru tad-difiża ta’ Juventus? Din hi bħalissa l-ikbar mistoqsija tas-supporters Juventini. Koulibaly ingħaqad ma’ Chelsea u allura waħda mill-ħolmiet tas-supporters sfaxxat fix-xejn. Il-ħolma l-oħra għandha l-isem ta’ Bremer, imma f’dal-każ dejjem intqal li l-Brażiljan ilu miftiehem ma’ Inter. Qed jissemma ħafna Pau Torres ta’ Villareal għalkemm is-somma ta’ 50 miljun li qed tissemma tagħmel dat-trasferiment mhux wisq fattibbli. Intant fl-aħħar sigħat bħal donnu bdew jinbidlu l-affarijiet f’dak li għandu x’jaqsam ma’ De Ligt. L-offerta ta’ Bayern Munich għalih hi baxxa wisq u s’issa ma wrewx sinjali li lesti jgħollu l-offerta tagħhom sabiex jissodisfaw it-talba ta’ Juventus. Fid-dawl ta’ dis-sitwazzjoni beda jingħad li De Ligt jista’ jibqa’ ma’ Juventus u jiffirma kuntratt ġdid. Diffiċli bħalissa li wieħed ibassar x’se jiġri. Li hu żgur hu li llum nistgħu ngħidu li hemm inqas ċertezza minn ftit tal-jiem ilu li De Ligt se jitlaq lil Juventus.

Matthew Scerri