Ilejla Fabio Paratici u n-nies tiegħu se jkollhom l-opportunità li jsegwu mill-qrib lil Gabriele Zappa. Il-full-back ta’ Cagliari hu wieħed minn dawk il-plejers li Paratici ilu jżomm taħt osservazzjoni u hu probabbli li fil-mument opportun se jressq offerta għalih biex jixtrih għal Juventus.
Matthew Scerri
Aaron Ramsey jista’ jitlaq lil Juventus f’każ li tasal offerta tajba fuq il-mejda ta’ Paratici. Skont Tuttosport hemm PSG u xi klabbs mill-Premier League Ingliża li qed juru interess fih. Jekk jitlaq Ramsey, postu ma’ Juventus ikun jista’ jieħdu Calhanoglu jekk verament ikun free-agent minn Frar li ġej.
Matthew Scerri
Ancelotti kellu l-opportunità jitkellem dwar dak li stqarr Khedira ma’ Sky tal-Ġermanja fejn fost l-oħrajn esprima x-xewqa li jkun ittrenjat mill-ġdid minn Mourinho jew Ancelotti. Il-kowċ Taljan sostna li għandu tifkira tajba ħafna ta’ Khedira u li kieku tinqala’ l-opportunità lest jikkowċjah mill-ġdid. Dan però, iċċara, l ma jfissirx li Khedira se jingħaqad żgur ma’ Everton.
Matthew Scerri
Hekk kif Chiellini daħal fl-aħħar sena tal-karriera tiegħu, Juventus bdew ifittxu eredi għalih. A Bola qed tirraporta li Juventus huma interessati flimkien ma’ Arsenal, Manchester United, Wolves u Milan, fl-akkwist ta’ Nuno Mendes. Hu difensur ċentrali li jista’ jilgħab anki mal-linja xellugija, bħal Chiellini insomma. Sporting Lisbon qed jitolbu 70 miljun Ewro għalih.
Matthew Scerri
Intervistat minn Sky tal-Ġermanja, Sami Khedira stqarr li l-ħolma ta’ tfulitu kienet li jilgħab fil-Premier League peress li minn dejjem kien affaxxinat mill-kampjonat Ingliż. Hu ammetta li jekk tasallu offerta mingħand Mourinho jew Ancelotti hu ma jħossx li jkun jista’ jgħidilhom le.
Matthew Scerri
Sami Khedira Jidher li bidel fehmtu u ddeċieda issa li jitlaq lil Juventus f’Jannar. Khedira fehem li m’hemmx iktar spazju għalih ma’ Juventus u allura se jfittex tim ġdid.
Matthew Scerri
Kollox jindika li Fabio Paratici jinsab lest jagħmel kull tentattiv possibbli biex jikseb lil Matteo Lovato, id-difensur rivelazzjoni ta’ dis-sena. Fuqu hemm Milan li ilhom ftit interessati fih, biss Juventus tant baqgħu sorpriżi bil-wirjiet tiegħu li lesti joffru somma ġmiela għalih.
Matthew Scerri
Pirlo jrid lil Manuel Locatelli ma’ Juventus. Hekk għallinqas qed ikun irrapurtat minn Calciomercato.com. Juventus jistgħu jiksbuh b’self f’Jannar bid-dritt li jixtruh għal kollox fl-istaġun ta’ wara. Il-Bianconeri lesti anki jħallsu somma flus biex jiksbu lil Locatelli b’self.
Matthew Scerri
“Jekk jogħġbok Paul Pogba ejja ma’ Juventus. Se tkun kuntent mill-ġdid … u jien ukoll.” Hekk kiteb Claudio Marchisio b’risposta għal Tweet ta’ Pogba. Il-Franċiż kien għadu kif stqarr ftit qabel li jinsab għaddej minn mument diffiċli fil-karriera tiegħu.
F’kumment mogħti lil RTL, Paul Pogba ammetta li jinsab għaddej minn mument partikolari fil-karriera tiegħu u indirettament ikkonferma kleim Deschamps li hu ma jinsabx kuntent ma’ Manchester United. “It-tim nazzjonali jagħtini daqsxejn ta’ nifs. Qatt qabel ma għaddejt minn mument daqshekk diffiċli fil-karriera tiegħi,” qal Pogba. Għalkemm ma semmiex lil Manchester United, hu ovvju li r-riferiment hu proprju għar-Red Devils.
Matthew Scerri