Posts

Plejers ta’ Lazio l-ewwel pożittivi u wara negattivi għat-test tal-Covid-19

Ikompli t-taħwid fit-tim ta’ Lazio b’rabta mat-testijiet tal-Covid-19. Illum saru rapid tests lill-plejers kollha min-naħa tal-Campus Biomedico ta’ Roma. Fl-istess ħin saru swab tests, dejjem għall-plejers kollha min-naħa tal-Futura Diagnostica ta’ Avellino. Mir-rapid tests irriżulta li kien hemm tliet plejers pożittivi. L-iswab tests, però, taw riżultat ieħor: ħadd mill-plejers mhu pożittiv. F’dan l-istadju għadu mhuwiex magħruf magħriuf jekk dawn it-tlett iplejers humiex realment se jkunu jistgħu jilagħbu nhar il-Ħadd kontra Juventus.

Intant tajjeb infakkru li l-FIGC diġà fetħet inkjesta dwar il-possibbilità ta’ ksur tal-protokoll min-naħa ta’ Lazio meta jista’ jkun li Immobile, Leiva u Strakosha lagħbu minkejja li kienu pożittiv għall-Covid-19.

Matthew Scerri

Lazio qed jittamaw li jirkupraw tlett iplejers

Għada, lejlet Lazio-Juventus, se jsiru l-iswab tests lil kull plejer taż-żewġ timijiet kif jitlob il-protokoll tal-FIGC. Lazio qed jittamaw li Immobile, Leiva u Strakosha ma jirriżultawx pożittiv sabiex ikunu jistgħu jilagħbu kontra Juventus.

Matthew Scerri

Il-JMuseum magħluq għalissa

Il-miżuri li ttieħdu mill-Gvern Taljan kontra l-imxija tal-Covid-19 se jaffettaw lill-JMuseum. Fil-fatt sat-3 ta’ Diċembru l-bibien tal-mużew Juventini se jibqgħu magħluqin. Anki l-iStadium Tours twaqqfu għalissa. Fi kliem ieħor sa Diċembru s-supporters Bianconeri m’għandhom l-ebda mod biex jidħlu fil-binja tal-Allianz Stadium.

Matthew Scerri

Plejer ieħor tal-Under 23 pożittiv għall-Covid-19

Id-difensur ta’ Juventus Under 23, Raffaele Alcibiade nstab pożittiv għall-Covid-19. Kif jitlob il-protokoll, it-tim kollu tpoġġa f’iżolament ‘fiduciario’ sabiex il-plejers l-oħra tat-tim jkunu jistgħu jkomplu bit-training u bil-logħob.

Matthew Scerri

Turin fost l-ibliet li se jkunu milquta minn lockdown ġdid

Il-Gvern Taljan mistenni jħabbar lockdown f’diversi bliet Taljani hekk kif l-pajjiż jinsab mill-ġdid fi kriżi sanitarja qawwija minħabba ż-żieda sostanzjali ta’ każijiet ta’ Covid-19. Skont l-esperti l-Italja riesqa b’pass mgħaġġel lejn xenarju simili għal dak ta’ Marzu/April li għadda u għaldaqstant il-Gvern Taljan, bħalma ġara f’pajjiżi Ewropej oħra, qed jikkunsidra li jerġa’ jagħlaq kollox fl-ibliet l-aktar milquta. Probabbli l-lockdown se jolqot bliet bħal Turin, Milan, Ruma, Napli u Bologna. F’dan l-istadju għadu mhux magħruf l-impatt li l-lockdown jista’ jkollu fuq il-kampjonat tal-futbol tas-Serie A. Jista’ jagħti l-każ li l-futbol għalissa jkompli fl-Italja, għallinqas sakemm l-imxija tal-Covid-19 ma tilħaqx numri tant għolja ta’ persuni infettati li jkollu jieqaf kollox.

Matthew Scerri

Ronaldo fieq mill-Covid!

Juventus ħabbru li finalment Cristiano Ronaldo m’għadux pożittiv għall-Covid-19. Hu fieq u għaldaqstant nhar il-Ħadd se jkun jista’ jirritorna fl-azzjoni kontra Spezia.

Matthew Scerri

15-il klabb tas-Serie A bla flus għall-pagi ta’ Settembru

Sad-data tas-16 ta’ Novembru l-klabbs tas-Serie A għandhom iħallsu l-pagi lill-plejers tagħhom għax-xahar ta’ Settembru. Skont La Repubblica bħalissa hemm 15-il klabb minn 20 tas-Serie A li m’għandux il-flus għall-pagi. Il-kriżi qed tinħass sew u kif xebgħa jgħid il-President tal-Lega Calcio, bħalissa l-futbol Taljan jinsab f’xifer l-irdum. Il-Gvern qed iwiegħed xi tip ta’ għajnuna, imma intant il-Lega qed taħdem fuq pjan għall-bejgħ tar-rights tas-Serie A li jistgħu jagħtu ftit tan-nifs lill-klabbs minn tal-inqas għal dis-sena.

Matthew Scerri

Illejla nkunu nafu jekk Ronaldo fieqx!

Illejla se joħroġ ir-riżultat tal-iswab tests li saru lill-plejers kollha tat-tim Juventin. Fost dawn hemm anki r-riżultat tat-test ta’ Ronaldo u allura se nkunu nafu jekk fieqx. Sky irrapurtaw ilbieraħ li fl-aħħar swab test li sarlu jidher li kien hemm indikazzjonijiet li Ronaldo riesaq lejn il-fejqan. Pirlo, fil-konferenza tal-aħbarijiet tal-lum stqarr li lest jilgħab lil Ronaldo jekk ikun fieq, għalkemm sostna li mhux faċli li plejer jilgħab disgħin minuta wara ħmistax-il ġurnata ta’ waqfien.

Matthew Scerri   

Milan-Roma bla nies

Illum jidħlu fis-seħħ il-miżuri l-ġodda mħabbra mill-Gvern Taljan. Fost dawn hemm anki l-għeluq totali tal-istadiums għas-supporters sal-24 ta’ Novembru. Il-Lega Calcio tablet permess speċjali biex Milan-Roma tal-lejla tkun tista’ tintlagħab bil-bibien miftuħa għal elf supporter bħall-partita kollha l-oħra tal-5 Ġurnata. Il-Gvern, madankollu, ma laqax dit-talba. San Siro llejla mhux se jkun miftuħ għall-pubbliku.

Matthew Scerri

Ronaldo se jitlef Juventus-Verona

Cristiano Ronaldo żgur se jkun qed jitlef il-partita kontra Verona. Dalgħodu sarlu swab test ieħor u qed jistenna r-riżultat. Anki jekk ikun negattiv, Ronaldo xorta waħda jrid jagħmel test mediku ieħor li juri li m’għandux problemi ta’ saħħa li jimpeduh milli jilgħab. Pirlo spjega llum li m’hemmx iż-żmien biex issir dil-proċedura kollha sa għada filgħaxija.

Matthew Scerri