Qabel Verona-Juventus, Fabio Paratici sostna li żewġ speċjalisti raw lil Dybala fil-jiem li għaddew. Fil-fatt appartil-konsulenza tal-Professur Cagat f’Barcellona, Dybala mar Innsbruck biex jara speċjalist ieħor. Fi kliem Paratici l-viżti mediċi wasslu għall-konkluzjonijiet ferm iktar pożittivi minn kemm kien qed jistenna l-istaff mediku ta’ Juventus. Issa rridu naraw kemm verament se tħalli l-frott it-terapija li qed isegwi Dybala.
Matthew Scerri
Alvaro Morata llum ma ttrenjax minħabba li għad għandu problemi ta’ saħħa b’rabta ma’ virus li ilu jkiddu ftit tal-jiem. Hu ngħata l-mistrieħ bit-tama li jfieq għal kollox u jkun jista’ jerġa’ jilgħab fl-attakk Juventin flimkien ma’ Ronaldo.
Matthew Scerri
Giorgio Chiellini m’għandu xejn gravi u se jibqa’ jkun segwiti mit-tobba ta’ Juventus. Hu kellu joħroġ mill-grawnd waqt Porto-Juventus minħabba uġigħ fil-pexxun. Mit-testijiet li sarulu llum ma rriżulta xejn gravi. Xi gazzetti u siti qed jirrapurtaw li se jibqa’ barra għal madwar ġimagħtejn biex jirkupra sew.
Matthew Scerri
Juventus FC ikkonfermaw li dalgħodu saru xi testijiet mediċi b’rabta mal-injury muskolari li sofra Juan Cuadrado. L-injury mhuwiex ta’ entità gravi. Il-Kolombjan se jibqa’ wieqaf madwar għaxart ijiem u wara jsirlu check-up mediku ieħor biex it-tobba ta’ Juventus ikunu ċerti li fieq.
Matthew Scerri
Juan Cuadrado probabbilment se jkollu jitlef il-partita kontra Porto. L-injury muskolari li sofra fl-Ewwel Taqsima ta’ Napoli-Juventus x’aktarx se jżommu ‘l bogħod għal xi żmien mill-pitch tal-futbol. Għada se jsirulu t-testijiet fil-JMedical biex it-tobba ta’ Juventus jifhmu x’inhi l-entità tal-injury u jistabilixxu kemm se jdum barra.
Matthew Scerri
Illum Paulo Dybala ma ttrenjax mal-bqija ta’ sħabu minħabba li reġa’ ħass l-uġigħ f’siequ. Hu se jkollu jitlef il-partita kontra Napoli. Jidher li m’għandu xejn gravi biss dan l-uġigħ se jwassal biex għal darb’oħra jiġi pospost ir-ritorn għall-azzjoni tal-istilla Arġentina ta’ Juventus.
Matthew Scerri
Arthur se jkollu jitlef anki Napoli-Juventus minħabba uġigħ f’saqajh. Illum sarulu xi testijiet u t-tobba fehmu x’inhi l-problema. Jidher li m’għandu xejn gravi tant li hemm xaqq ta’ tama li jilħaq jirkupra għall-partita taċ-Champions League kontra Porto.
Matthew Scerri
Aaron Ramsey illejla se jitlef il-partita kontra Inter. Hu fil-fatt sofra injury muskolari ħafif u għaldaqstant ma jistax jinżel fil-grawnd fl-ewwel partita tas-SemiFinali tal-Coppa Italia.
Matthew Scerri
Għad hemm inċertezza sħiħa meta Paulo Dybala se jkun jista’ jidħol lura fl-azzjoni. Hu għadu ma rkuprax mill-injury tiegħu u Pirlo llum stqarr waqt il-konferenza tal-aħbarijiet li xi kultant Dybala għadu jħoss uġigħ ħafif fl-irkoppa. Skont Pirlo hemm ottimiżmu li daqt se jkun jista’ jilgħab mill-ġdid, għalkemm għalissa ħadd għadu ma jaf meta dan se jseħħ verament.
Matthew Scerri
Meta ninsabu ġimgħa ‘l bogħod minn Inter-Juventus, is-supporters ta’ Juventus huma ħerqana li jkunu jaf għada x’se jkunu l-entitajiet tal-injuries ta’ McKennie u Dybala. It-tnejn li huma kellhom jabbandunaw il-grawnd waqt Juventus-Sassuolo. McKennie jidher li għandu problema muskolari mentri Dybala għandu problema f’irkoptu. Għada nkunu nafu aħjar x’għandhom u jkollna indikazzjoni kemm se jdumu barra.
Matthew Scerri