Posts

Locatelli fieq!

Manuel Locatelli fieq mill-Covid-19 u se jkun qed jingħaqad mat-tim nazzjonali Taljan. Wara li jtemm l-impenji mat-tim nazzjonali, Locatelli se jkun qed jirritorna Turin biex iħejji għall-partita kontra Inter tat-3 ta’ April.

Matthew Scerri

Locatelli pożittiv għall-Covid-19

Manuel Locatelli ttestja pożittiv għall-Covid-19 matul il-ġurnata tal-lum u immedjatament beda l-kwarantina tiegħu. Ta’ min ifakkar li lbieraħ Locatelli kien fil-grawnd kontra Villareal u għaldaqstant wieħed irid jara jekk hux se jkun hemm aktar plejers Bianconeri infettati.
Matthew Scerri

Juventus-Locatelli. Forsi resqin lejn ftehim

Juventus u Sassuolo għadhom ma jistgħux jsibu ftehim bejniethom dwar it-trasferiment ta’ Manuel Locatelli. Ninsabu ġimgħa ‘l bogħod mill-bidu tal-kampjonat u s’issa Allegri għad m’għandu l-ebda plejer ġdid f’nofs il-grawnd. Nafu li Juventus huma mftehma ma’ Locatelli imma Sassuolo għadhom jaraw kbir u qed ikomplu jitolbu ħafna iktar minn dak li qed joffru Juventus. Il-Bianconeri qed joffru madwar 35 miljun Ewro filwaqt li Sassuolo baqgħu jinsistu li jridu 45 miljun, ċifra li tidher irrealistika immens fiż-żminijiet li ninsabu fihom. Issa l-gazzetti tal-lum qed jirrapurtaw li Sassuolo lesti jaċċettaw l-offerta ta’ 35 miljun, biss issa jonqos li jkunu maqbula d-dettalji tal-ftehim: kemm se jkun imħallas is-self u jekk hux se jkun hemm l-obbligu għal Juventus li jixtruh għal kollox.

Matthew Scerri

Nedved: “Irridu lil Locatelli u hu jrid lilna”

Qabel Monza-Juventus, Pavel Nedved ikkonferma li Juventus iridu lil Locatelli u ressqu offerta għalih li jqisu li hi waħda tajba u ġusta għalih. Skont Nedved għad hemm xi dettalji x’jigu diskussi u maqbula bejn il-klabbs. Madankollu Juventus huma ottimisti anki għax il-plejer irid jingħaqad mal-Bianconeri skont Nedved.

Matthew Scerri

Carnevali: “Jekk mhux se jkun hemm offerta tajba, Locatelli se jibqa’ magħna”

Illum kellha tinżamm laqgħa oħra bejn Juventus u Sassuolo għal Locatelli. Il-laqgħa tħassret u mhux magħruf għala. Iċ-CEO ta’ Sassuolo, Carnevali stqarr: “Jekk mhux se jkun hemm offerta tajba, Locatelli se jibqa’ magħna. Fil-bidu t’Awwissu se nagħlqu s-suq tat-trasferimenti tagħna.” Fi kliem ieħor għandna deadline sakemm Locatelli se jkun jista’ jinxtara. Id-domanda hi: la Sassuolo dejjem qalu li kellhom klabbs barranin lesti joffru ħafna għal Locatelli, għalfejn issa qed jgħidu li jista’ jkun li se jibqa’ magħhom? L-impressjoni tagħna hi li Sassuolo qed jilagħbu s-solta logħba biex jisolħu somma ikbar mingħand Juventus. Locatelli hu plejer tajjeb ħafna imma t-talba ta’ kważi 48 miljun Ewro għalih hi kbira wisq. Juventus jagħmlu tajjeb li jagħmlu l-honework tagħhom sew għax, tajjeb ma ninsewx, ġejjin minn sena u nofs ta’ kriżi minħabba l-pandemija u ma nafux meta s-sitwazzjoni se tinbidel.

Matthew Scerri

Dragusin miftiehem ma’ Sassuolo. Locatelli jidher qrib li jingħaqad ma’ Juventus

Jidher li hemm xaqq ta’ tama li t-trasferiment ta’ Locatelli ma’ Juventus verament daqt se jseħħ. Fil-fatt qed ikun irrapurtat li Dragusin sab ftehim ma’ Sassuolo. Hu se jkun qed jingħaqad magħhom bħala parti mill-ftehim bejn Sassuolo u Juventus għal Locatelli. Intant Sassuolo diġà sabu sostitut għal Locatelli: Lovric ta’ Lugano.

Matthew Scerri

Locatelli-Ronaldo. Nedved mhuwiex inkwetat

Pavel Nedved kien preżenti lbieraħ għaċ-ċerimonja tat-tlugħ tal-poloz tas-Serie A u bħal dejjem tkellem mal-ġurnalisti. Fost id-domandi li saqsewh kien hemm anki dawk marbuta ma’ Locatelli u Ronaldo. Dwar il-midfielder Taljan, Nedved wieġeb li Juventus ħallewh bi kwietu waqt il-Euro2020 u li għad fadal żmien għad-diskussjonijiet bejn il-partijiet. Ronaldo, mill-banda l-oħra, jidher li se jibqa’ peress li ħadd mill-aġent ma ta sinjali lil Juventus li se jkun qed jitlaq. Fi kliem Nedved, fil-25 ta’ Lulju Ronaldo se jkun qed jibda l-preseason ma’ Juventus.

Matthew Scerri

Carnevali: “Locatelli jiswa iktar minn 40 miljun Ewro”

Iċ-CEO ta’ Sassuolo, Carnevali kkonferma li Juventus jinsabu f’kuntatt mal-klabb tiegħu sabiex jixtru il Manuel Locatelli. Hu sostna li hemm diversi klabbs barranin li tkellmu ma’ Sassuolo dwar Locatelli u l-wirjiet tajba li qed ikollu fil-Euro2020 qed iwasslu biex il-konkorrenza qed tiżdied. “40 miljun mhumiex biżżejjed għal Locatelli u mhux qed niċċajta għax in-negozjati li għandna huma fuq dawn iċ-ċifri u bil-Euro2020 il-valur qed jiżdied,” stqarr Carnevali. Jidher li b’mod partikolari Sassuolo għandhom f’idejhom offerta mingħand Arsenal li hi għola minn 40 miljun Ewro.

Matthew Scerri

Locatelli. Juventus u Sassuolo resqin lejn ftehim

Kif irrapurtajna fil-jiem li għaddew, dil-ġimgħa Cherubini se jkun qed jerġa’ jiltaqa’ ma’ Carnevali ta’ Sassuolo sabiex ikomplu jiddiskutu d-dettalji tat-trasferiment ta’ Locatelli mal-Bianconeri. Sassuolo fehmu li l-plejer irid biss li jingħaqad ma’ Juventus u għaldaqstant għandhom kull interess li jilħqu ftehim mal-Bianconeri. Fl-aħħar sigħat issemma li Locatelli jaf jingħaqad ma’ Juventus b’self bi ftehim li l-Bianconeri jixtruh għal kollox is-sena ta’ wara u l-ħlas ikun imqassam fuq numru ta’ snin, bejn wieħed u ieħor ħames snin. Is-sena li għaddiet Juventus kisbu lil Chiesa bi ftehim simili. Il-prezz li qed jissemma għal Locatelli hu ta’ 48 miljun Ewro. Jidher li mhux se jkun hemm tpartit ta’ plejers bejn il-klabbs, għallinqas direttament fil-ftehim għal Locatelli. Mhux eskluż, però, li Sassuolo  aktar ‘il quddiem jieħdu plejer jew plejers (Dragusin?) mingħand Juventus.

Matthew Scerri