Posts

X’se jiġri minn Mandragora?

Futur inċert għal Rolando Mandragora. Torino m’għandhom ebda obbligu li jixtru lil Mandragora mingħand Juventus. Il-plejer sofra injury f’dan l-istaġun u ma lagħabx biżżejjed partiti biex skont il-ftehim bejn il-klabbs Torino jkollhom l-obbligu li jixtruh għal kollox għas-somma ta’ 14-il miljun Ewro. Min-naħa tagħhom Torino jixtiequ jżommu lil Mandragora biss ma jidhrux disposti jonfqu iktar minn 9 miljuni. Ma nafux eżattament x’inhi l-pożizzjoni ta’ Juventus. Il-Bianconeri żgur mhux se jżommuh fit-tim tagħhom, biss jista’ jkun li jkun hemm timijiet oħra, apparti Torino, interessati f’Mandragora. Għaldaqstant mhux ta’ min jeskludi li Juventus ma jgħaġġlux biex jagħtu risposta lil Torino bil-għan li jistennew ftit ħalli jara kemm u liema offerti se jaslulhom għall-plejer.

Matthew Scerri

Mandragora lura għal-logħob wara ħames xhur

Aħbar tajba dwar Rolando Mandragora. Wara ħames xhur barra mill-azzjoni minħabba injury gravissimu, hu llum reġa’ lagħab għal Udinese. Fil-fatt hu daħal fis-67 minuta tal-partita kontra Genoa. Għalissa għadu kmieni ħafna biex nibdew narawh fl-azzjoni għal disgħin minuta sħaħ biss diġa’ hu pass importanti li qed jilgħab mill-ġdid.

Matthew Scerri