Posts

It-trasferimenti uffiċjali ta’ Juventus s’issa

/in /by

Plejers li ngħaqdu ma’ Juventus

IsemDettalji
Arkadiusz MilikJuventus xtrawh għal kollox mingħand O.Marseille għas-somma ta’ 6.3 miljun Ewro, liema somma se titħallas fi tliet rati. Hemm anki bonus ta’ 1.1 miljun Ewro favur O. Marseille. Milik iffirma kuntratt ma’ Juventus sat-30 ta’ Ġunju 2026.

Cambiaso, Pellegrini, Arthur, McKennie, Rovella, Zakaria, Aké u Pjaca ġew lura ma’ Juventus wara li ntemm il-perjodu ta’ self ma’ klabb ieħor.

Plejers mibjugħa

IsemDettalji
Angel Di MariaIntemmlu l-kuntratt.
Dejan KulusevskiTottenham għażlu li jixtru għal kollox lil Kulusevski u se jħallsu għalih 30 miljun Ewro. Il-pagamenti se jinqasmu f’sitt rati.
Leandro ParedesIntemm il-perjodu ta’ self u Juventus għażlu li ma jixtruhx għal kollox.

Nota: Qed jinġieb hawn kull tip ta’ ftehim ġdid li Juventus laħqu ma’ klabbs oħra wara l-15 ta’ Ġunju 2023. Mhux qed inniżżlu ftehim li sar ma’ klabbs oħra li nstab fis-snin li għaddew u li daħal fis-seħħ das-sajf.

Uffiċjali: Milik hu kollu kemm hu plejer ta’ Juventus

/in /by

Juventus ħabbru li xtraw lil Milik għal kollox mingħand O.Marseille. Is-somma li Juventus se jħallsu għalih hi a’ 6.3 miljun Ewro, liema somma se titħallas fi tliet rati. Hemm anki bonus ta’ 1.1 miljun Ewro li Juventus ikollhom iħallsu jekk jintlaħqu ċerti miri f’dan l-istaġun.

Matthew Scerri

Milħuq ftehim biex Juventus jixtru lil Milik

/in /by

Juventus u O. Marseille laħqu ftehim sabiex Milik isir kollu kemm hu plejer ta’ Juventus. Il-Bianconeri se jkunu qed iħallsu 6 miljun Ewro għalih, flimkien ma’ 1 miljun Ewro ieħor f’bonuses. Fis-sajf li għadda l-klabbs kienu qablu li Juventus setgħu jixtruh għal 7 miljuni flimkien ma’ 2 miljuni f’bonuses. Manna u Calvo rnexxilhom jikkonvinċu lil O. Marseille jbigħu lil Milik għal prezz inqas minn dak maqbul sena ilu.

Matthew Scerri

Juventus jistennew li jsiru jafu min se jibqa’

/in /by

Apparti l-ħidma ta’ Manna biex il-plejers li ġewwa lura mis-self ma’ timijiet oħra, Juventus bħalissa qed jistennew xi risposti mingħand plejers li l-kuntratt tagħhom wasal fi tmiemu. Rabiot, Cuadrado u Milik jinsabu fil-pjanijiet ta’ Juventus, imma l-futur tagħhom ma jiddipendix biss minn Juventus. Il-kuntratti ta’ Rabiot u Cuadrado se jiskadu fl-aħħar ta’ dan ix-xahar. Juventus offrewlhom kuntratt ġdid ta’ sena kull wieħed u issa qed jistennew risposta mingħandhom. It-tnejn li huma għandhom offerti minn klabbs oħra u għaldaqstant mhuwiex mija fil-mija ċert li se jaċċettaw dak li qed joffrulhom Juventus. Milik, mill-banda l-oħra, mar lura ma’ O. Marseille wara li ntemm is-self tiegħu ta’ sena. Milik diġà stqarr pubblikament li jixtieq jibqa’ ma’ Juventus, biss issa rridu naraw x’se tkun id-deċiżjoni tal-klabb Franċiż. O. Marseille ma jridux jisilfuh lil Juventus għal sena oħra u allura Manna offrilhom li Juventus jixtruh għal kollox f’kundizzjonijiet differenti minn dawk maqbula sena ilu.

Ftit tal-jiem oħra u nkunu nafu jekk Rabiot, Cuadrado u Milik humiex se jibqgħu jilbsu l-flokk ta’ Juventus.

Matthew Scerri

Ikkonfermata l-entità tal-injury ta’ Milik

/in /by

L-istaff mediku ta’ Juventus stabilixxa l-entità tal-injury ta’ Arek Milik. L-injury muskolari f’koxxtu x-xellugija hu ta’ entità medja. Hu se jibqa’ mistrieħ għal ġimagħtejn u wara se jsirulu testijiet oħra sabiex ikun stabbilit aħjar kmm se jdum barra. Skont rapport mhux uffiċjali, hemm riskju li Milik idum barra għal madwar xahar-xahar u nofs.

Matthew Scerri

Juventus se jkollhom lura diversi plejers

/in /by

Alex Sandro, Rabiot u Locatelli se jkunu qed jirritornaw għall-azzjoni fi tmiem il-ġimgħa wara li rkupraw mill-injuries tagħhom. It-Tlieta li huma se jkunu jistgħu jilaghbu kontra Bologna. Allegri se jkollu lura wkoll lil Cuadrado u Milik li tilfu l-aħħar partita kontra Monza peress li kienu sospiżi.

Matthew Scerri

Allegri, Cuadrado u Milik sospiżi

/in /by

It-tmiem konfuż u drammatiku (fuq klix inġust imma) ta’ Juventus-Salernitana, sewa qares lil Juventus. Allegri, Cuadrado u Milik ġew sospiż għal partita waħda wara li tkeċċew b’rabta ma’ dak kollu li nqala’ fl-aħħar minuti tal-partita kontra Salernitana. Allegri se jkollu jħallas ukoll multa ta’ 15-il elf Ewro, filwaqt li Juventus weħlu multa ta’ 5,000 Ewro peress li uffiċċjal tagħha offenda lir-referee fit-tunnel huma u deħlin lejn id-dressing rooms.

Matthew Scerri

Uffiċjali: Milik b’self ma’ Juventus

/in /by

Juventus ħabbru uffiċjalment id-dettalji tal-ftehim ma’ O. Marseille għat-trasferiment ta’ Milik b’self għal sena. Juventus se jkunu qed iħallsu 800,000 Ewro għas-self, flimkien ma’ 100,000 Ewro oħra f’commissions. Hemm anki bonuses li jammontaw għal 800,000 Ewro oħra. Is-sena d-dieħla Juventus ikollhom id-dritt li jixtruh għal kollox għas-somma ta’ 7 miljuni flimkien ma’ 2 miljuni oħra f’bonuses.

Matthew Scerri