Posts

It-terapija iggravat l-injury ta’ Pogba

Tuttosport tkellmu mal-Professur Roberto Rossi li opera lil Pogba jumejn ilu. Hu sostna li t-terapija ma ħadmitx, anzi iggravat l-injury tal-meniscus tant li ma setax jissewwa iktar u kellhom ineħħulu l-parti tal-meniscus li nqasmet. Il-Professur Rossi żvela li Pogba kien diġa’ ingħata parir minn żewġ esperti, wieħed fl-Amerka u l-ieħor fi Franza, biex jopera ruħu. Nafu li hu pero’ ried mod ieħor iżda wara t-terapija, malli reġa’ beda jiġri fil-grawnd l-irkoppa bblukkjatlu għal kollox. Għalhekk saritlu l-operazzjoni b’mod urġenti. Pogba jrid isir jibqa’ wieqaf tmien ġimgħat.

Matthew Scerri

Pogba se jkun operat!

Paul Pogba llejla se jkun qed jagħmel l-operazzjoni tal-irkoppa li ma riedx jagħmel xahar u nofs ilu. Dalgħodu hu ttrenja għat-tieni darba fuq il-grawnd wara li temm it-terapija. Pogba ma ħassu komdu jiġri u allura ddevieda li jagħmel l-operazzjoni. Hu mistenni jdum barra 45-60 jum.

Matthew Scerri

It-trasferimenti uffiċjali kollha għat-tim Juventin

Plejers li ngħaqdu ma’ Juventus

Bremer (difensur, Torino)

Di Maria (winger, PSG)

Fagioli (midfielder, Cremonese)

Gatti (difensur, Frosinone)

Kostic (winger, Eintracht Frankfurt)

Milik (attakkant, O. Marseille)

Paredes (midfielder, PSG)

Pogba (midfielder, Manchester United)

 

Plejers mibjugħa jew mislufa minn Juventus lil timijiet oħra

Arthur (misluf lil Liverpool)

Bernardeschi (intemmlu l-kuntratt, Toronto)

Brunori (mibjugħ lil Palermo)

Cambiaso (misluf lil Bologna)

Chiellini (kuntratt itterminat qabel iż-żmien, Los Angeles FC)

De Ligt (mibjugħ lil Bayern Munich)

Demiral (mixtri għal kollox minn Atalanta)

De Winter (misluf lil Empoli)

Dybala (intemmlu l-kuntratt, Roma)

Frabotta (misluf lil Lecce)

Isreal (mibjugħ lil Sporting Lisbon)

Mandragora (mibjugħ lil Fiorentina)

Morata (wasal fi tmiemu s-self tiegħu, Atletico Madrid)

Nicolussi Caviglia (misluf lil SudTirol FC)

Pellegrini (misluf lil Eintracht Frankfurt)

Pjaca (misluf lil Empoli)

Ramsey (ftehim biex il-kuntratt tiegħu jkun itterminat)

Ranocchia (misluf lil Monza)

Rovella (misluf lil Monza)

Vrioni (mibjugħ lil New England Revolution)

Wesley (mibjugħ lil Cruzeiro)

Zakaria (misluf lil Chelsea)

Zanimacchia (misluf lil Cremonese)

Aġġornament dwar l-injury ta’ Pogba. S’issa kollox miexi sew

Fl-aħħar ġimagħtejn ma kellna ebda stqarrija uffiċjali min-naħa ta’ Juventus dwar kif sejjer Pogba bit-terapija li qed jingħata. Nafu li qed isegwi programm ta’ fiżjoterpija f’pixxina. Sorsi qrib il-klabb Juventin, liema sorsi però mhumiex sostanzjati minn aħbarijiet realment uffiċjali, qed isostnu li t-trattament qed iħalli l-effett mixtieq. Pogba m’għadux iħoss uġigħ u daqt se jkun jista’ jgħaddi għall-fażi li jmiss fejn se jkun jista’ jerġa’ jibda jiġri bil-mod il-mod fil-grawnd. Il-pjan hu li jkun jista’ jilgħab kontra Salernitana fil-11 ta’ Settembru. Nerġgħu ngħidu li dawn mhumiex aħbarijiet uffiċjali 100%, għalkemm ġejjin minn persuni li huma xi ftit jew wisq infurmati u li għandhom rabtiet ma’ persuni li jaħdmu fi ħdan Juventus. Ta’ min jgħid ukoll li l-esperti kienu mil-ewwel sostnew li t-terapija se jkollha effett pożittiv fl-immedjat, għalkemm il-meniscus ta’ Pogba se jibqa’ maqsum u minkejja li jitlaq l-uġigħ, xorta hemm riskju kbir li f’xi ħin l-uġigħ jerġa’ jfeġġ bil-konsegwenza li Pogba jkollu jiġi operat. Nittamaw li dan ma jkunx il-każ ta’ Pogba.

Matthew Scerri

Pogba m’għandux bżonn operazzjoni

Paul Pogba mhux se jkun operat biex ifieq mill-injury li għandu. Minflok l-operazzjoni hu se jkun qed jingħata trattament li għanu jgħinu jfieq f’temp ta’ madwar 5 ġimgħat. Dan kien l-eżitu tal-viżta li kellu f’Lyon għand l-ispeċjalist Sonnery-Cottet. Sal-bieraħ stess dis-soluzzjoni kienet tidher l-inqas waħda probabbli, biss jidher li l-Professur ta l-garanziji kollha meħtieġa li dat-trattament hu biżżejjed sabiex tissolva l-problema li għandu Pogba.

Matthew Scerri

Pogba mar Franza biex jara speċjalist

Paul Pogba qabad titjira lejn Franza aktar kmieni illum sabiex imur Lyon fejn waranofsinhar se jkun qed jara lill-ispeċjalist Sonnery-Cottet. Illu suppost jiddeċiedu liema hu l-aħjar mod biex Pogba jitfejjaq mill-injury li għandu f’irkoptu. Nafu li hemm possibbilità ta’ żewġ tipi ta’ operazzjonijiet: waħda minuri li żżomm lil Pogba barra mill-azzjoni għal madwar xahar u nofs-xahrejn; u operazzjoni oħra maġġuri li tkun titlob waqfa ta’ ħames xhur. Hemm anki l-possibbilità ta’ trattament mingħajr operazzjoni, biss f’dan l-istadju din tidher li hi soluzzjoni li diffiċilment se jirrikoru għaliha peress li tneħħi l-uġigħ għalissa imam ma ssolvi xejn. L-għidut hu li hemm ottimiżmu qawwi li Pogba se jkun jista’ jevita l-operazzjoni l-maġġuri, biss ovvjament xejn ma jista’ jiġi eskluż qabel il-Professur jinviżta lil Pogba.

Matthew Scerri

Magħrufa l-entità tal-injuries ta’ McKennie u Ake. Għada suppost inkunu nafu dwar Pogba

Illum kien ikkonfermat li Weston McKennie għandu problema fi spalltu u se jkun qed jingħata l-fiżjoterapija meħtieġa. Hu se jdum barra minn tal-inqas tliet ġimgħat, f’liema perjodu se jkun qed jittrejnja waħdu.

Iktar gravi l-injury ta’ Ake. Għalih hemm ksur u se jdum barra xahrejn.

Intant għada f’Lyon, Pogba se jkollu l-viżta għand l-ispeċjalist li se jiddetermina liena operazzjoni jew trattament se jingħata l-Franċiż.

Matthew Scerri

Xejn ġdid dwar Pogba

M’hemmx aħbarijiet ġodda dwar Paul Pogba ħlief li l-Professur Sonnery Cottet-Bertrand, li kellu jinviżta lil Pogba f’Lyon dil-ġimgħa, se jkun qed jara jilqa’ lill-midfielder Franċiż il-ġimgħa d-dieħla. Mhux magħruf jekk għala l-Professur ma rax lil Pogba dil-ġimgħa u lanqas jekk Pogba kellux konsultazzjonijiet ma’ Professuri oħra. Id-deċiżjoni mhix waħda faċli biex tittieħed minħabba li Pogba jrid ifieq imma fil-istess ħin ma jridx jitlef wisq partiti ma’ Juventus u wisq inqas ma jixtieqx jitlef it-Tazza tad-Dinja.

Matthew Scerri

L-injury ta’ Pogba. Tliet xenarji possibbli

Illum hi l-ġurnata li matulha Paul Pogba se jkun iniżtat minn espert bil-għan li jiġi deċiż kif inhu l-aħjar mod biex il-Franċiż jeħles mill-problemi li għandu f’irkoptu. Hemm tliet soluzzjonijiet li qed jissemmew, tnejn li jirrikjedu operazzjoni u oħra li tikkonċerna trattament bla ebda intervent. L-ewwel operazzjoni hi waħda ta’ tindif tal-cartridge tal-irkoppa u hi meqjusa bħala intervent ħafif. F’dal-każ Pogba jkollu jdum barra 40—69 jum. Imbagħad hemm operazzjoni oħra, iktar delikata li tiggarantixxi li l-problema tissolva darba għal dejjem. Jekk Pogba jagħmel din l-operazzjoni, ikollu jibqa’ wieqaf 5-6 xhur u jitlef nofs staġun ma’ Juve u t-Tazza tad-Dinja. It-tielet soluzzjoni hi li Pogba jibqa’ jingħata injections u kura medika oħra biex itaffi l-uġigħ u jkun jista’ jilgħab. Fit-tielet soluzzjoni x’aktarx hi l-favorita ta’ Pogba biex ikun jista’ jilgħab fit-Tazza tad-Dinja. Madankollu Juventus m’ghandhomx interess li Pogba jagħżel fit-tielet soluzzjoni peress li inevitabbilment xi ħin jew ieħor ikollu jagħmel l-operazzjoni l-aktar serja (x’aktarx wara t-Tazza tad-Dinja) bil-konsegwenza li f’dan l-istaġun kollu jieħdu ftit li xejn minn Pogba.

Matthew Scerri

Ċans ta’ operazzjoni għal Pogba

L-injury ta’ Pogba hu gravi ferm iktar milli kien maħsub. Mit-testijiet li sarulu r-riżulta li hemm problema fil-meniscus ta’ rkoptu. Qed jissemma li jaf issirlu operazzjoni li tkun tfisser waqfa ta’ 40 jum għalih.

Matthew Scerri