Illejla fis-sitta ta’ filgħaxija Juventus se jilagħbu l-aħħar partita ta’ ħbiberija tal-preseason qabel jibda l-kampjonat. Fil-JTC tal-Continassa Juventus se jilagħbu kontra t-tim Under 23. Din se tkun l-ewwel darba li Juventus se jkunu qed jilaghbu bit-tielet flokk. Barra minn hekk probabbli li naraw fl-azzjoni għall-ewwel darba lil Locatelli ma’ Juventus.
Matthew Scerri
Wara sitt snin se jerġa’ jintlagħab it-Trofeo Berlusconi. Din hi l-għoxrin darba li Juventus se jkunu qed jieħdu sehem fit-Trofeo Berlusconi u s’issa diġà rebħuh għaxar darbiet. L-ewwel edizzjoni tmur lura għas-sena 1991 u Juventus kienu ghelbu lil Milan 1-2 dakinhar biex rebħu t-trofew. Milan s’issa ħadu sehem fl-edizzjonijiet kollha (rebħuh tlettax-il darba) u t-Trofeo twaqqaf fl-2015 wara li Berlusconi biegħ lit-tim ta’ Milan. Issa li Berlusconi għandu f’idejh lit-tim ta’ Monza, it-Trofeo Berlusconi se jibda jkun organizzat minn Monza. L-edizzjoni ta’ dis-sena hi l-ħamsa u għoxrin waħda, u se tintlagħab tletin sena wara l-ewwel edizzjoni.
Matthew Scerri
Illejla fis-6.00 ta’ filgħaxija Juventus se jilagħbu l-ewwel partita ta’ ħbiberija għal dan l-istaġun. L-avversarji se jkunu Cesena u l-partita se tintlagħab fil-JTC tal-Continassa.
Matthew Scerri
Mil-lum se jibdew it-testijiet mediċi għall-plejers li ma kinux impenjati mat-timijiet nazzjonali, filwaqt li għada jibda t-taħriġ fiżiku taħt it-tmexxija ta’ Allegri u l-istaff tiegħu. Għalissa, kif għidna, se jkunu qed jittrenjaw biss dawk li das-sajf ma kellhomx impenji mat-tim nazzjonali. Magħhom se jkun hemm diversi plejers li ġew lura minn self ma’ klabbs oħra (Pellegrini, Rugani, Perin, Pjaca, eċċ) kif ukoll diversi plejers tal-Under 23. Bil-mod il-mod jibdew imbagħad deħlin il-plejers li għadhom vaganza. L-aħħar li se jibdew training huma l-plejers li lagħbu għall-Italja u għall-Brażil. Illejla, intant, se jkollna l-poloz tal-kampjonat tas-Serie A, liema kampjonat se jibda fit-22 ta’ Awwissu.
Matthew Scerri