Posts

Strakosha kien pożittiv għall-Covid!

/in /by

L-aġenzija tal-aħbarijiet Ansa qed tirraporta li l-espert imqabbad mill-Procura ta’ Avellino reġà ipproċessa l-iswab test li kienu saru mil-laboratorju Futura Diagnostica fis-6 ta’ Novembru qabel Lazio-Juventus. Irriżulta li Strakosha kien pożittiv, filwaqt li Immobile u Leiva kienu negattivi. Infakkru li dakinhar stess it-tliet plejers kienu ttestjaw pożittivi għal rapid test li kienu sarulhom minn laboratorju ieħor, Campus Biomedico. Il-Procura ta’ Avellinio qed tinvestiga jekk sarux irregolaritajiet minn Futura Diagnostica li wasslu biex xi plejers ta’ Lazio lagħbu kontra Torino waqt li kellhom il-Covid. Jekk dan ikun ikkonfermat il-konsegwenzi legali għal-laboratorju se jkun gravissimi, filwaqt li anki Lazio jistgħu jinstabu ħatja mill-giustizia sportiva li kisru l-protokoll tal-FIGC.

Matthew Scerri

Is-sentenza tgħid li Napoli ġabu skuża biex ma jilagħbux kontra Juventus

/in /by

Is-sentenza tal-Qorti tal-Appell għar-rikors ta’ Napoli hi tassew iebsa. Fid-dokument naqraw bażikament li Napoli ma ridux jilagħbu u ġabu skuża biex ikunu jistgħu jilħqu l-għan tagħhom. F’das-sens l-ittri tal-ASL fl-ewwel mumenti ma kinux qed iwaqqfu lil Napoli milli jivvjaġġaw u kien wara li Napoli talbu aktar dettalji lill-ASL, li nħarġet l-ittra li ma ħallitx lil Napoli jmorru Turin. Fis-sentenza tiegħu l-Imħallef appella għall-ħarsien tal-prinċipji u l-valuri tal-isports li f’dal-każ  ġew nieqsa.

Matthew Scerri

Napoli tilfu l-appell. Konfermata s-sentenza tal-Imħallef tal-Isport

/in /by

Il-Qorti tal-Appell ikkonfermat is-sentenza tal-Imħallef tal-Isport. Għaldaqstant Napoli ingħataw telfa walkover ta’ 3-0 u punt imnaqqas fil-klassifika talli ma niżlux għal-logħob kontra Juventus.

Matthew Scerri

Juventus-Napoli. Illum l-Appell!

/in /by

Illum se jinstema’ l-Appell imressaq minn Napoli b’rabta mad-deċiżjoni tal-Imħallef tal-Isport li jagħti telfa walkover li Napoli u unt imnaqqas fil-klassifika talli ma niżlux għal-logħob kontra Juventus. Jista’ jkun li llum stess ikollna s-sentenza.

Matthew Scerri

Ir-riżultati tal-partiti tas-7 Ġurnata tas-Serie A

/in /by

Il-Ġimgħa 6 ta’ Novembru 2020, 8.45 p.m.

Sassuolo-Udinese 0-0

Is-Sibt 7 ta’ Novembru 2020, 3.00 p.m.

Cagliari-Sampdoria 2-0

Is-Sibt 7 ta’ Novembru 2020, 6.00 p.m.

Benevento-Spezia 0-3

Is-Sibt 7 ta’ Novembru 2020, 8.45 p.m.

Parma-Fiorentina 0-0

Il-Ħadd 8 ta’ Novembru 2020, 12.30 p.m.

Lazio-Juventus 1-1

Il-Ħadd 8 ta’ Novembru 2020, 3.00 p.m.

Atalanta-Inter 1-1

Genoa-Roma 1-3

Torino-Crotone 0-0

Il-Ħadd 8 ta’ Novembru 2020, 6.00 p.m.

Bologna-Napoli 0-1

Il-Ħadd 8 ta’ Novembru 2020, 8.45 p.m.

Milan-Verona 2-2

Matthew Scerri

Lazio-Juventus bir-ritratti

/in /by

Qed inwasslulkom ġabra ta’ ritratti tal-aqwa mumenti tal-partita Lazio-Juventus. Din il-photogallery hi magħmula minn ritratti li ġew ippubblikati fil-websajt ta’ Juventus. 

Sors: Juventus.com

Lazio-Juventus 1-1

/in /by

It-tielet rebħa infila għal Juventus bejn kampjonat u Champions League ħarbet minn idejn il-Bianconeri fl-aħħar minuta tal-ħin miżjud tat-tieni taqsima. Spezia u Ferencvaros ma kinux avversarji ta’ kalibru kbir, għall-kuntrarju ta’ Lazio li se żgur se jkunu qed jiġġieldu sal-aħħar għar-rebħ tal-kampjonat. Għaldaqstant il-partita kontra Lazio kienet test importanti għat-tim ta’ Pirlo, test li mar tajjeb ferm lil hinn mir-riżultat finali. Il-Bianconeri dehru kompatti, lagħbu bħala tim, iddifendew u attakkaw ilkoll flimkien, u għal darb’oħra dehru li ma kinux żbilanċjati fil-grawnd kif ġara fl-ewwel wirjiet. Prosit kbira tmur lit-tim kollu għal wirja tassew tajba u li timlina b’kuraġġ għall-kumplament tal-istaġun. Kulma rrid nitgħallmu hu li nagħlqu l-partita qabel. Issa importanti li wara l-waqfa t-tim ikompli minn hawn!

LAZIO-JUVENTUS 1-1

Skurjaw: Ronaldo (J), Caicedo (L)

Lazio (3-5-2): Reina; Luiz Felipe, Acerbi, Radu (Hoedt); Marusic, Milinkovic, Cataldi (Akpa Akpro) Luis Alberto (Pereira), Fares (Lazzari); Correa, Muriqi (Caicedo). Kowċ: Inzaghi.

Juventus (4-3-1-2): Szczesny; Cuadrado, Demiral, Bonucci, Danilo; Kulusevski (McKennie), Rabiot, Bentancur, Frabotta; Morata (Bernardeschi), Ronaldo (Dybala). Kowċ: Pirlo.

Referee: Massa.

Karti sofor: Cataldi (L), Bentancur (J), Akpa Akpro (L), Cuadrado (J).

Matthew Scerri