Posts

Ronaldo kellu jieqaf mit-training

Cristiano Ronaldo llum kellu jieqaf mit-training wara li qala’ daqqa f’dirgħajh mingħand Alex Sandro. Hu deher muġugħ u kellu jabbanduna t-training sabiex jingħata l-kura meħtieġa.

Matthew Scerri

Dybala, Arthur u McKennie lura għat-training

Il-kastig ta’ Arthur, McKennie u Dybala wasal fi tmiemu hekk kif illum, f’jum l-Għid, għandna rapporti li ttrenjaw mal-bqija ta’ sħabhom. Suppost se jkunu mgħajta għall-partita kontra Napoli ta’ nhar l-Erbgħa għalkemm biex ngħidu kollox fl-aħħar jumejn kien hemm għidut mhux konfermat li Arthur jinsab muġugħ u se jkollu jibqa’ barra mill-azzjoni għal għaxart ijiem.

Matthew Scerri

Dybala u Ramsey irkupraw!

Aħbarijiet tajba mill-JTC tal-Continassa hekk kif illum kemm Dybala kif ukoll Ramsey ittrenjaw mal-bqija ta’ sħabhom. Dan ifisser li huma rkupraw għall-kollox mill-injuries tagħhom u se jkunu għad-dispożizzjoni ta’ Pirlo nhar is-Sibt.

Matthew Scerri

Għada lura għat-training

Għada Juventus se jkunu qed jerġgħu jibdew it-taħriġ fil-JTC tal-Continassa wara li Pirlo ta jumejn vaganzi lill-plejers li fadal. Għada se jkun hemm xi plejers li waslu lura Turin wara l-impenji mat-timijiet nazzjonali: Kulusevski u Chiellini. Bentancur, Cuadrado, Danilo u Arthur baqgħu Turin hekk kif tħassru l-partiti tat-timijiet nazzjonali tagħhom. Alex Sandro jidher li rkupra mill-injury tiegħu u se jkun qed jilgħab nhar is-Sibt. Dybala wkoll x’aktarx se jkun jista’ jingħaqad ma’ sħabu għad-Derby ta’ Turin nhar is-Sibt.

Matthew Scerri